川之源

营业中

休息中

今日同同事试吓呢一间喺楼梯边好容易错过嘅四川菜。菜式十分之正宗，性价比高，上菜速度都好快，适合中午去食晏。担担面：酱汁好香，面质弹牙，系四川重庆风味，所以偏向捞面多啲，唔系好多汤𠮶种上海担担面。肥肠面：汤底浓郁，涵水肥肠好入味，洗得好干净，食到底都仲有好多肥肠，真材实料。凉拌鸡脚：有好香嘅青辣椒味，脆口，如果唔食得辣嘅朋友可能会觉得有啲挑战性，但系越食越想食，甜甜酸酸辣辣咁样，非常开胃。饺子：厚皮的北方饺子，饺子馅料调味有用心。口水鸡：如期望一样好，有鸡味、肉滑、辣度适中。桂花冰粉：非常清凉，又唔会太甜，充满桂花香味，食完咁多辣嘢之后，最后来一个透心凉嘅甜品，简直完美。