影片
更多
2024-11-03
181 浏览
未试过咁差嘅用餐体验！先讲嘢食，点咗一个五花腩、猪皮、水冷面、蚝同埋汽水。五花腩都叫正正常常。虽然其余食过所有韩烧嘅猪皮都唔一样，但系未算难食嘅。哗，但系个水冷面呢你都竟然系一大嚿咁样上，完全冇分开，撩极都撩唔散，强烈怀疑员工成个面饼抌入去就咁上餐。蒜蓉牛油生蚝完全冇蒜蓉同牛油味，六只竟然够胆收人$128 ，只不过系六只小桶蚝嘅size，凭咩收咁贵？都算啦，见过杯好污糟咁，上一手嘅韩式辣酱都仲喺个杯边度，就谂住饮一枝啤酒一定干净啲啦，佢竟然话佢哋冇酒牌仲搞紧，请问有边间餐厅营业咗咁耐，运作咗咁耐，竟然连个酒牌都可以同我讲冇呢？仲要见到上个礼拜左右一篇食评话佢哋可以喺呢间分店度饮酒，请问佢个酒牌去咗边呀？点解人哋有得饮？我冇得饮呀。再加上冇酒牌咁大件事唔系餐厅应该主动申报同我哋讲声嘅咩？嗌晒嘢食要嗌酒𠮶下先话俾我知？成个Drink Menu得两页，其中一页就全部都系酒精饮品，点知原来有一半都有都冇得饮，咁你就大大只字写住冇酒牌啦。都算啦，个drink Menu大大只字写住樽装汽水，主打怀旧，有晒相咁，嚟到竟然系罐装？啲汽水啊仲要系唔齐㗎，连忌廉都冇。再讲吓环境方面，我哋坐卡位，嚟到𠮶下已
先讲嘢食，点咗一个五花腩、猪皮、水冷面、蚝同埋汽水。五花腩都叫正正常常。虽然其余食过所有韩烧嘅猪皮都唔一样，但系未算难食嘅。
哗，但系个水冷面呢你都竟然系一大嚿咁样上，完全冇分开，撩极都撩唔散，强烈怀疑员工成个面饼抌入去就咁上餐。
蒜蓉牛油生蚝完全冇蒜蓉同牛油味，六只竟然够胆收人$128 ，只不过系六只小桶蚝嘅size，凭咩收咁贵？
都算啦，见过杯好污糟咁，上一手嘅韩式辣酱都仲喺个杯边度，就谂住饮一枝啤酒一定干净啲啦，佢竟然话佢哋冇酒牌仲搞紧，请问有边间餐厅营业咗咁耐，运作咗咁耐，竟然连个酒牌都可以同我讲冇呢？仲要见到上个礼拜左右一篇食评话佢哋可以喺呢间分店度饮酒，请问佢个酒牌去咗边呀？点解人哋有得饮？我冇得饮呀。再加上冇酒牌咁大件事唔系餐厅应该主动申报同我哋讲声嘅咩？嗌晒嘢食要嗌酒𠮶下先话俾我知？成个Drink Menu得两页，其中一页就全部都系酒精饮品，点知原来有一半都有都冇得饮，咁你就大大只字写住冇酒牌啦。都算啦，个drink Menu大大只字写住樽装汽水，主打怀旧，有晒相咁，嚟到竟然系罐装？啲汽水啊仲要系唔齐㗎，连忌廉都冇。
再讲吓环境方面，我哋坐卡位，嚟到𠮶下已经觉得张凳好污糟，要特登掹纸巾出嚟铺喺凳上面。都唔好讲个地板笠到不得了，摆只脚喺地下5秒啊，就好似比胶浆黐住咗咁啦。除此之外，成幅墙都系油渍望住啲黑色一达达，要我食饭真系唔开胃啊！喺我食紧途中，我都同同行人讲，如果我哋再唔食快啲啊，可能阵间见到曱甴㖭啊。点知，一只大到不得了，长约6cm，摆明识飞嘅曱甴就出现咗喺我哋眼前，我哋吓到即刻跑走埋！
我真系唔明点解会有咁多人留低好评，有任何卫生常识同埋识食嘢嘅人都唔应该随意行入呢一间炑八烧烤嘅分店度，又话冇酒牌，又有曱甴，啲嘢又难食。我讲紧喺食完之后半个钟都冇就肚疴啦。
我真系未试过咁差嘅用餐体验啊，希望各位睇到呢篇食评嘅食家小心睇路啦。
不过我谂佢都就快结业㗎啦，酒牌又唔续，又冇人食得𠮶几台客，去隔离牛大人食冇咁嬲啊。
张贴