品御軒

营业中

休息中

好耐冇入中大呢间中菜厅饮茶，之前好似易咗手改咗名，位置喺小教堂对面，附近有位泊车，都好方便。室内环境尚算舒适，有自然光好舒服。今日叫咗个套餐，先来雪山叉烧包及杨州炒饭，热辣辣叉烧包，外面松脆可口，杨州炒饭唔油腻，粒粒饭香。头抽xo酱干炒牛河，极度邪恶，炒得好好味，黑松露野菌炆伊面，黑松露香味欠奉，干炒猪颈肉乌冬，好快畀人食晒，未试过添，还有金牌香妃鸡，冻咗但ok好滑有鸡味。鲜虾菜苗饺，大大只，新鲜热辣辣蒸起，虾好爽口。时菜牛肉球，好大粒，萝卜丝米网肠，里面依然脆卜卜。午饭时段坐满人。