川味美食

营业中

休息中

做完gym，想食返啲鸡肉补充下蛋白质，加上冇咩钱嘅关系，就想揾间大份夹抵食嘅餐厅，一谂就谂到川味。呢间餐厅由中学大学到宜家都好钟意食，每次都必点捞红薯粉，冇咩地方有捞粉，试过捞拉面都唔错，汤面就未试过。大约两点钟来到，星期日都多人，好在有位。叫左捞红薯寛粉，加萝卜、通菜、鸡丝，麻小辣一来到吓亲，呀姐好似知我做完gym，劲大碗，对面个哥哥都望左一望。大份之余，唔会因为你叫左几份𩠌而分薄左个份量，每样𩠌都比得好足！萝卜系最喜爱，好淋同甜，又唔会吸左太多汁而变得油腻，件件都大大旧。仲而有配料：炸酱、芽菜、花生，份量好似一样𩠌咁多。红薯寛粉，好有咬口，但好滑有啲难夹会有少少弹汁有样可以做得更好嘅系可以隔清啲水，咁就可以捞得入味啲。