品香樓中西風味餐廳

营业中

休息中

讲起南山村一定会谂起品香楼。虽然食过好多次，不过写食评都系第一次。有订位，但如果多人都要等下。。。品香楼既食物仍然保持水准，价钱都好合理。手撕鸡通常订位个时就要订埋，如果唔系食唔到。好滑好香芝麻味，入面仲比埋鸡肾个啲！最出名既冻朱古力，一定要叫。有浓浓朱古力味，旧忌廉劲吸引，对于女仔黎讲太邪恶啦。其实冻好立克都值得一试。炸猪手，必食，骨胶原重，皮脆又唔油腻。加埋南乳酱好正。锅贴芝麻虾，炸得岩岩好，入面啲虾胶够哂弹牙，芝麻好香，配埋甜酸酱食一流。生炒糯米饭，卖相唔错，入面有腊肉腊肠个啲，花生都算脆。走既时候，当然要到出面既小食档摊，食鸡蛋仔同格仔饼。