影片
更多
2015-07-18
2095 浏览
其实我对食物要求都唔算高，继之前一晚聚会已经食咗一餐只贴近OK脸之晚饭后，谂住今日同拍挡下昼开会去饮茶，更难得系我肯正午12点去到荔枝角，咁谂住食返好少少啦，知道平时长沙湾广场上面同附近啲酒楼，由正午12点左右开始已经超多人，咁谂住响公司附近求其揾间酒楼，应该无死错人啦，拍档点了十多款点心，有义烧肠粉、豉汁蒸牛肚、XO酱炒萝卜糕、虾饺(其实真系无乜印象，有好多已经无心情去影相，所以只影咗几样)...........之后无影相印象中有山竹牛肉、干蒸烧卖、珍珠鸡、马拉糕、潮州粉果、流沙包，仲有一、两样好似食完都唔知系乜？基本上大部分食物都食剩。义烧肠粉，当时系侍应啱啱入完单后唔够1分钟就出现(入单位置距离我哋张枱唔够2.5米，侍应一接张单已经飞身去入单)，远睇颜色还可以，近睇系见到蒸得过火，但不容易用筷子夹开，真系神乎其技，食咗一啖，系腍到粉，定粉到腍，真系唔识形容，相信要整定之后放过夜加蒸过火才会做到此效果。XO酱炒萝卜糕，基本上系靠XO酱啲味嚟点缀啲萝卜糕，萝卜糕故之然太粉、无乜料在内之余XO酱又不入味，真系一绝。豉汁蒸牛肚，啲汁够浓但又形容唔到系乜味，牛肚系蒸到过熟同过腍，全无爽口感
其实我对食物要求都唔算高，继之前一晚聚会已经食咗一餐只贴近OK脸之晚饭后，谂住今日同拍挡下昼开会去饮茶，更难得系我肯正午12点去到荔枝角，咁谂住食返好少少啦，知道平时长沙湾广场上面同附近啲酒楼，由正午12点左右开始已经超多人，咁谂住响公司附近求其揾间酒楼，应该无死错人啦，拍档点了十多款点心，有义烧肠粉、豉汁蒸牛肚、XO酱炒萝卜糕、虾饺(其实真系无乜印象，有好多已经无心情去影相，所以只影咗几样)...........之后无影相印象中有山竹牛肉、干蒸烧卖、珍珠鸡、马拉糕、潮州粉果、流沙包，仲有一、两样好似食完都唔知系乜？基本上大部分食物都食剩。
义烧肠粉，当时系侍应啱啱入完单后唔够1分钟就出现(入单位置距离我哋张枱唔够2.5米，侍应一接张单已经飞身去入单)，远睇颜色还可以，近睇系见到蒸得过火，但不容易用筷子夹开，真系神乎其技，食咗一啖，系腍到粉，定粉到腍，真系唔识形容，相信要整定之后放过夜加蒸过火才会做到此效果。
XO酱炒萝卜糕，基本上系靠XO酱啲味嚟点缀啲萝卜糕，萝卜糕故之然太粉、无乜料在内之余XO酱又不入味，真系一绝。
豉汁蒸牛肚，啲汁够浓但又形容唔到系乜味，牛肚系蒸到过熟同过腍，全无爽口感觉。
虾饺，虽卖相样衰，算正常，皮算薄，但肉身无味。
其余无影相有山竹牛肉，浅啡色，无牛肉味，但算正常；干蒸烧卖，又系无味，但系算正常，珍珠鸡，啲糯米又系蒸得过火，好难食；马拉糕，浅橙色、无味，是落食素出错问题？潮州粉果，皮不算厚，算足料正常；流沙包，好似紫色又橙色又黄色，无流沙就预咗，可以无乜味先系经典；仲有一、两样，好似系煎嘅物体，可以食唔知系乜就更经典，拍档话系「百年难得一遇」！
推介：辣椒油，要靠佢先勉强将食物放入口，但正常人系唔会用马拉糕同流沙包点辣椒油。
最后奉上潮州功夫茶，4人连11-12个点心，加一罐可口可乐，埋单$401，贵唔贵就见人见智，但难食就好肯定。
张贴
