聖安娜餅屋 (天澤商場)

营业中

休息中

平时好少买圣安娜嘅面包，但去亲就一定系为咗买佢嘅中式面包。食过佢嘅菜肉包、马拉糕同埋糯米卷，全部质素都几好。菜肉包入边有少少肥肉，但唔觉得油腻；马拉糕大嚿得来好松软好香蛋味，甜度啱啱好，食完一旧已经非常饱。今日买咗三旧糯米卷，佢嘅外皮系薄薄嘅白面包，有好多糯米，真系啱晒我心水。讲返佢个糯米卷，佢系油润得黎，食落又唔会太油腻，其他材料有花生、仲有少少黑色嘅物体，我觉得系梅菜之类，好香。最近圣安娜有个优惠就系买满$50嘅蛋糕会送返$50嘅优惠券，可以当现金咁用。今日呢三旧糯米卷我用咗两张10蚊优惠券，买单只系一个几，真系抵到烂呀。