新華苑酒家

营业中

休息中

由细觉得酒楼食饭都价钱唔太相宜，所以一直以黎都好少入去食个晚饭，人大咗就更少，平日都选择西餐食饭多，快靓正嘛。不过日子耐咗都有d挂住中式餐点嘅味道，朋友今日就带咗我黎呢间《新华苑酒家》食饭，食返几道小菜。第一碟出场嘅系椒盐鸡软骨，金黄色，热辣辣，脆卜卜，可惜朋友唔饮酒，呢个前菜用黎送酒一流。跟住系豉椒炒蛏子，镬气十足，豆豉香气四溢，蛏子肉鲜甜，佢地好细心，已经帮客人剥咗肉出黎，唔洗自己郁手。马拉盏通菜鲜鱿，通菜炒得几好食，不过同泰式餐厅比，味道唔及正宗嘅浓，鱿鱼亦有少少霉，唔够新鲜。