五代同糖 (已結業)

同肥髀食完拉面，佢想食埋糖水先返屋企，当然无问题，上openrice睇到呢间未试过，加上近车站，就试一试，去到唔使等位，坐到靠墙梳化位，装修感觉唔视衬，紫红色配白色，好像想行格调，但反而有啲娘，幸好都仲叫干净企理，而且都阔落，我见openrice招牌菜都以西式冻甜品为主，但我唔食冻食（身体唔好）所以我叫： 红枣元肉炖雪耳（$30）：一上枱见到用即弃胶碗装，已经扣咗分！ 而且见水多过料（同参考图片争好远，虽然个碗都唔系细，但得雪耳三块，爽口，几粒莲子元肉都正常，但红枣真系唔得，虽然好大粒，但肉好霉，皮又硬，破坏晒成碗糖水 杨枝金露雪花冰（$38）：肥髀食，我都食咗一啖，芒果肉好甜，柚子肉香甜无苦涩味，不过无西米，（所以唔似杨枝金露）连埋芒果糖浆同雪花冰一齐食，味道真的不错，而且份量大！肥髀都食唔晒！不过我自己唔钟意雪花冰轻飘飘，食咗好似无食！无质感！所以比我唔会食呢款！即用即弃餐具放响枱，堂食用即弃餐具，感觉始终争啲（可能好像新闻讲，请唔到洗碗？）侍应爽快！快快脆脆食完走！呢间下次都系食西式甜品好有保证啲！