大滾友火鍋 (美新大廈)

大埔不嬲出名都多美食，呢个美食绿洲真唔少好野食，各式其式美食都有。天气开始冻，系打边炉既好季节，所以今日就去左大滚友，试下佢d野，得唔得先！入到黎比人一种有气派的感觉，环境亦都十分舒适。花胶鸡汤底大大块花胶，加上劲鲜浓黄金色的鸡汤，剩系呢个汤底都值得黎一次，加上用左黄鸡，所以鸡味道都十分重同质感都十分滑，一定要叫！牛肉拼盘(细)细细一碟有晒好多唔同牛既部位，包括一口牛粒、牛颈脊、肥牛、牛展等，各款牛味道都有浓郁，同油花分布都好靓。手打鹅肝墨汁墨鱼丸手打墨鱼丸，同出面d唔同，呢度感觉同食真墨鱼无太大分别，加上鹅肝，十分惹味。伊比利亚橡果猪伊比利猪不但肥美， 肉味更是浓郁到满泻，不加点任何酱油已经好好食。带子大粒，新鲜的带子，又系一款只系稍碌一阵，剩食佢本身鲜味都好够。大滚友杂菜拼盘呢个都系诚意之作，大大盘蔬菜拼盘，全部菜都劲鲜甜，有惊喜，绝对唔系hea你。自家制竹蔗茅根清甜美味，打边炉必备火焰焦糖豆腐花: 豆腐花豆味浓郁，稍觉焦糖味道唔够，但整体都系高质。