浦東晉家門

营业中

休息中

约左friend系旺角买野，去到夜晚见到依间铺既menu几吸引就入左去试下。唔好睇间餐厅系中式装潢就以为系食中菜，其实系食西式野架！玫瑰拿鐡：玫瑰干花配埋拉花好靓！杯拿鐡净系个卖相都已经攞哂分，一饮落去有淡淡既玫瑰花香，同咖啡味融合左一齐好夹。白菌巴拿马火腿意大利饭：个意大利饭好creamy，食落同平时食开既意大利饭冇乜大分别，反而系个巴拿马火腿几突出，少少咸香味令到个饭既层次丰富左。蘑菇汁配烤黑毛猪扒：个黑毛猪食落没平时食猪个种猪骚味，而且好嫩滑，即使唔沾蘑菇汁都已经好好食，好值得一试。整体既用餐感觉唔错，野食有水准，有机会会试下其他野食。