豆漿大王

营业中

休息中

今日星期日想食一个传统中式早餐，但又唔想食茶餐厅，所以专程去新蒲岗食豆浆粢饭。豆浆大王在新蒲岗大有街工业区，左右隔离嘅食肆门口都系一样，门口没有大招牌，要行近见到门口Menu先至知道系豆浆大王。我哋叫咗几款店主推介嘅食物咸豆浆，好少饮咸豆浆，第一啖食落去觉得怪怪地，但跟住习惯咗，觉得几好饮，里面有虾米干、油条块、炸菜及葱花。普通豆浆，不咸不甜，枱上有糖，想甜要自己加糖，但没有黄豆味。咸粢饭，里面有榨菜、肉松同油条。如果想加料可以加钱，我就全加料比多$7。个粢饭味道淡，全靠啲馅料，油条好脆，肉松软绵绵，榨菜咸咸地几好食。酸辣净云吞，酸辣汤好足料，有木耳、豆腐、蛋花、猪皮等，酸辣度适中。云吞皮薄馅靓。肉松奶脆多，多士非常松脆，上面放满非常松化嘅猪肉松，都几特别，未食过可以试吓，但又唔系非食不可。鸡翼炸得几香口，炸粉唔厚，外皮有少少甜甜地，但整体觉得偏淡，如果可以加重少少调味料就会更加好食。总结：虽然系星期日早上，位置又喺工厂区，交通唔系好方便，但估唔到有好多人嚟食，门口都泊咗啲车专程嚟买外卖。放假得闲可以嚟试吓，价钱相宜，好过日日食茶餐厅。