銀龍咖啡茶座

营业中

休息中

记得由细细个𠮶阵时候婆婆特别钟意食粥，白粥通常唔会系入边加其他材料，反而钟意之后陪啲豆豉鲮鱼或者腐乳又或者咸酸菜。到依家我都好怀念𠮶种味道。呢度嘅中式西多士，同普通嘅唔同，就系佢中间嘅心唔系用花生酱又唔系用其他西式嘅酱料，佢系用咗中式腐乳，所以非常之特别。佢外边所用嘅蛋浆亦都唔系用蛋黄，系用咗蛋白，所以整出嚟嘅西多士个样都仲系白雪雪。咁好啦讲下佢嘅味道，味道其实食落去都几得意，因为佢中间嘅夹心系咸嘅，再加埋炼奶嘅甜，味道其实都几衬下，咸咸甜甜咁有两层味道。但系味道来说腐乳不够香，咸香味多于腐乳香。不过胜在有创意，20蚊一件值得一试。