天外天

近来经常落雨，难得的好天气。本来订位时还未CONFIRM 窗口位，好彩最后都有位。呢个靓景，一绝呢！侍应服务亲切，乐意介绍菜单。我地点左2人SET DINNER 再加一个招牌菜：安格斯腩片前菜(每人一份)呢三样已经成功启动我既食欲。估唔到外表普普通通，但放左入口，可以咁香口。黑豚肉义烧，唔肥唔瘦，口感JUICY有弹性。烧腩仔放凉了，仲系咁香脆。黑松露茶熏蛋好正，冻冻地又香香地咁，正！安格斯腩片外脆肉嫩。表面有少少煎香的味道，内里有厚厚的腩片质感。必食呢! 以为2人餐，片皮鸭得几块仔。谁知，成只鸭放系我地隔离俾人片。本来想忍口唔食咁多，但啲鸭片冇乜肥膏同肥油，烧到又脆又香，配埋青瓜同葱又冇咁油腻，结果食晒同埋感觉好FULL。有个带子茄茸汤感觉好FRESH，菜搞成茸，带子细砌，可以为今餐做个中场休息。黎到炒饭同牛柳粒已经唔系太食得落，只系食左一两粒牛柳粒，其他要打包。甜品系另一个胃，所以食晒！本来佢地冇呢啲甜品，但我话可否帮我安排一下。最后竟然冇取消我地本身的甜品之余，再另外送上呢个甜品俾我地。真系好贴心呢! 呢个CUPCAKE为今餐再加一份浪漫。谢谢悉心侍应的安排！