翠苑甜品專家

营业中

休息中

筲箕湾有翠苑，北角都有分店，最初黎的时候，十次有八次都会嗌桑寄生莲子蛋茶，佢个桑莲茶系几香，后来因茶色越嚟越淡，莲子心又冇挑出嚟，搅到碗茶有苦味，就少咗食糖水。今日系礼拜六㖞! 逢星期六日会有一款特色的糖水，仲要系礼拜六日先有得卖，就系腰果糊。腰果糊唔会结挞挞，有腰果香味。喳咋，如果你好钟意食豆，呢一款一定好啱你，所有豆的种类都有，仲要成碗都系，好足料。呢间甜品铺啲凳系冇椅背，得一张圆台、几张四人枱和一张长枱，仲有一条人龙系度排外卖的。