文興酒家 (大明里)

营业中

休息中

今次试咗呢间主打中式经典菜嘅餐厅，整体嚟讲食物有风味，而且菜式选择多元化。首先，烧味双拼嘅泰国樱桃鸭同文兴叉烧皇，真系名副其实嘅「皇牌」。樱桃鸭皮脆肉嫩，油脂丰富但唔会过腻，鸭味浓郁；而叉烧皇肥瘦适中，蜜汁香甜！是日例汤 – 红萝卜粟米瘦肉汤，汤底清甜，材料丰富，系个不错嘅开端。之后到太白花雕醉鲍鱼，鲍鱼弹牙，花雕酒味香醇。文兴香酥鸭 (半只)，鸭皮炸得金黄香脆，配么么皮包住食，好特别。金沙琵琶豆腐，豆腐外层金黄酥脆，内里软滑细嫩，咸蛋黄酱汁香浓。文兴招牌炒饭，粒粒分明，镬气十足。最后嘅甜品中式心太软，原来即是椰汁桃胶燕窝炖炖蛋白。椰香突出，燕窝滋润，桃胶爽滑。