又一間餐室 (已結業)

好多年前食过，印象不太好，但基于麦记冇薯条卖，又落大雨，就俾多次机会佢啦！晚餐统一$60，我叫左个海南鸡便当加一杯红豆冰。一点完就去自助吧度攞罗宋汤，返埋位个饭都已经到。个鸡每个部位都有d，鸡脾鸡翼都有，饭就比较多，个蒸蛋比我想像中好，算系中等。红豆冰系成餐饭既精华，值得一试！题外话，大食既朋友无有怕！因为白饭任装，唔怕食唔饱。最后食晒d鸡都仲有半盒饭净，建议如果白饭任装的话可以减少便当饭既份量。