凱悅軒

营业中

休息中

喺香港想食中式点心放题嘅地方实在唔多，想喺酒店里边嘅中菜厅食中式点心放题更加难揾，凯悦轩系我认为理想之选，呢度地方虽然唔算大，但系一入到黎就感觉到系酒店高级嘅食肆，加上有落地玻璃，下午时间嚟呢度食饭，光猛开扬，座位与座位之间相当宽阔舒服，倾吓计食下野，确实享受。服务方面，亦相当周到细心，今次我地一行9人嚟食，有7位先到，我哋先叫咗7个汤，另外2位之后到咗，侍应竟然唔使我地叫，自动攞咗两个汤比后来嚟嘅两位朋友，呢种服务绝对五星级。👍🏻👍🏻至于落单上菜亦非常快捷，睇得出每一样食物都系即叫即整，上枱嘅时候都系热辣辣，食物质素都相当之高，虽然每位埋单计＄360，但以食物，环境同服务三样嚟评价，绝对超值，值得一试。