189
17
6
| 餐厅: | 凱悅軒 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港铁尖沙咀/尖東站 N2 出口, 步行约1分钟
继续阅读
电话号码
37217788
开饭介绍
凯悦轩融合现代艺术与20世纪传统茶馆的精髓，是品尝地道中式佳肴的理想场所。
凯悦轩呈献献界令飨客难以忘怀的经典招牌菜，另同时炮制多款时令佳肴以供品尝。无论是清新怡人的夏日菜式，还是丰盛暖胃的冬日美馔，均能将多元化的粤菜精髓发挥得淋漓尽致。
凯悦轩环境优雅舒适，落地玻璃令主厅更见开扬。餐厅另设两间分别可容纳8和12位的贵宾厅，前者更附设迷你酒吧。
继续阅读
特色
同客食饭
适合大伙人
附加资料
午餐: 第一輪: 10:00 – 12:00第二輪: 12:30 – 14:30 晚餐: 18:00 – 22:00
营业时间
今日营业
10:00 - 14:30
18:00 - 22:00
星期一至日
10:00 - 14:30
18:00 - 22:00
公众假期
10:00 - 14:30
18:00 - 22:00
公众假期前夕
10:00 - 14:30
18:00 - 22:00
以上资料只供参考，请与餐厅确认详情
有关奖赏计划
优惠
相关文章
食记 (250)
好耐冇約成班朋友一齊聚餐💖今日中午約齊人一齊去尖沙咀凱悅酒店📍凱悅軒✨食lunch🍴傾足成個晏晝，又可以食到可持續來源海鮮🦞大滿足🥳🥳凱悅軒主廚黃皓勤師傅🧑🏻🍳最近全新創作六款精緻海鮮佳餚😋特別採用由水產養殖管理委員會 (ASC) 及海洋管理委員會 (MSC) 國際認證或來自水產養殖改善項目 (API) 嘅可持續來源海鮮入饌😻😻大家可以享用美味海產同時為保育海洋貢獻一分力量💡🔹涼拌油雞㙡菌皇帝蟹肉法邊豆選用由海洋管理委員會認證嘅阿拉斯加皇帝蟹腳肉🦀鮮嫩肉厚啖啖肉，搭配爽脆法邊豆、爽滑雞脾菇，再淋上特製油雞㙡菌醬汁，味道豐富帶點微辣，清新又開胃🤤🔹米通脆炸魚肉丸子以水產養殖管理委員會認證之越南蝦打成膠，再與同樣由由水產養殖管理委員會認證之龍脷柳魚肉製成魚肉丸子🍡 沾上脆漿、脆米後落鑊香炸，外型就如艷麗荔枝，夠哂精緻！再沾上莓紅色糖醋醬，酸甜爽滑好滋味💕🔹崧子波士頓龍蝦炒鮮奶以大良炒鮮奶為基底，加入海洋管理委員會認證全隻新鮮波士頓龍蝦🦞鮮奶清香嫩滑，波士頓龍蝦彈牙爽口，配以香酥炸麵餅及香炸龍蝦頭，充滿海洋鮮味🌊🔹素翅菜膽蟹肉雲吞雞金黃色雞湯香濃鮮甜，雲吞內餡有來自水產養殖改善項目之蟹肉🦀水產養殖管理委員會認可之鮮蝦🦐及豬肉🐷搭配全隻嫩滑雞件🐔🐔另再加入爽滑素翅及翠綠小唐菜🥬用料上乘豐富！🔹欖菜乾煸蓮藕帶子肉鬆以海洋管理委員會認證之加拿大帶子粒、冬筍粒、馬蹄粒、蓮藕粒、紅椒、腰果碎製成💁🏻♀️大廚加入欖菜醬汁，乾煸翻炒至入味，啖啖香口惹味，口感極之豐富！放入脆筒同食，多重口感更滋味😋特別一讚盛載之炸米紙鳥巢🪹 精巧可愛，上枱賣相吸晴🌟🔹雪菜濃湯海皇煨麵材料豐富，選用水產養殖管理委員會認證之彈牙蝦球及帶子，配搭新鮮小棠菜粒、鮮菇及嫩滑上海麵🍜最後更可即場倒入以功夫茶壺盛載之濃雞湯雪菜粒，提升味道層次🥳🥳🔹例牌叉燒好友大力推薦呢度嘅叉燒，我哋就叫咗一份例牌一齊試吓💖厚切叉燒份量十足，口感鬆軟、醃得入味，尤其喜愛叉燒頭，帶點焦香，蜜味十足！🔹酥皮流沙盞飯後甜品揀咗呢款酥皮流沙盞一齊開心share～面頭菠蘿酥皮酥脆得嚟充滿奶油香🧈流沙奶黃湯圓外皮煙煙韌韌，內餡香甜～撻皮鬆脆，多重層次超滿足😌🔹蛋白杏仁茶美白又滋潤嘅蛋白杏仁茶，味甜潤肺，蛋白嫩滑無比～入口陣陣杏香細膩、綿滑清香，潤肺又養顏💕💕凱悅軒✨📍尖沙咀河內道18號香港尖沙咀凱悅酒店3樓
继续阅读
工作人員服務態度非常親切嘅，感覺良好，食物質素非常好，任點入食点心都非常熱，都好快送到枱面，味道唔太鹹適中，侍應好細心跟進，最貼心嘅係点心可以叫一件，唔會浪費！環境都舒適，座位寬闊。價錢合理整體服務環境食物各方面質素都非常好，值得一試。而且仲有午餐免費泊車位。代客泊車酒店門口方便快捷。已經幫襯過多次仍然滿分。今日我哋早咗去都即時安排到入座。非常貼心服務專，服務員足夠人手，欽點食物唔需要等候太耐，仲係即叫即煮。
继续阅读
初三跟傳統唔去拜年😅而且我覺得而家跟本越來越冇新年氣氛。不如去飲個靚茶凱悅軒之前都有來過飲茶。唔經唔覺，而家$388一位，不過都多點心選擇嘅，而且食物都算唔錯😌應該係新年嘅菜牌😅，有好意頭點心，好似髮菜蠔豉粥，髮菜鯪魚球咁蝦餃燒賣都係我最鍾意嘅點心叉燒熱騰騰好味😋蝦餃皮薄餡靚蠔豉🦪粥都好重蠔豉味，髮菜鯪魚球同牛肉球就較普通，XO醬蘿蔔糕正在常常唔算突出上湯芥蘭好嫩細細嘙正，又試了鮮蝦炸雲吞同肉鬆豆腐。覺得較出色嘅係桂花蓮藕片，好爽脆好有桂花香味差唔多滿座，只有兩張吉枱最後一定要食甜品才完滿，陳皮紅豆沙同桂花糕都不過不失
继续阅读
凱悅軒又有個新menu，今次嘅主角係蝦，主廚黃師傅又有新靈感，除非你似我朋友一樣對蝦敏感，如果唔係，都應該好難唔鐘意。香辣汁拌桂蝦，桂蝦搭上清新爽脆的芥蘭和青瓜，清新微涼又開胃，唯一唔好嘅感覺，如果係夏天食應該更精彩。愛四川的味一定會喜歡藤椒三蔥爆虎蝦，暖暖的熱鍋中爆香肉蔥、京蔥和紫洋蔥後，主角虎蝦和藤椒一同翻炒，三種蔥的唔同特色，幾種味道都為呢隻虎蝦添上另一種感受。剁椒魚頭聽得多，雙式剁椒蒸大海蝦真係少見，大大隻的海蝦放係粉絲加上蟲草花和木耳絲，再用色彩繽紛的泡椒粒和黃椒粒，呢個絕對係換個主角後，就將剁椒蒸呢個菜式發揮得更精美的表表者。冬天最適合食臘味，原來蝦都同佢夾到，櫻花蝦醬臘味河蝦炒鴛鴦飯，飯底一半是白飯同糯米飯。飯同河蝦、臘腸粒、膶腸粒、冬菇粒、芥蘭粒等同炒，尾聲整多個櫻花蝦醬，口感有幾層的感覺。加個菜加個肉就係完美的一餐，呢個promotion到月底，如果你係蝦粉絲，記得去試下。
继续阅读
又到星期二放假食好西系列！呢日老婆大人同我去嘆食完會好開心嘅主題菜，大家估唔估到係咩呢？呢日就係去尖沙咀凱悅酒店嘅凱悅軒食蝦主題嘅新菜，對於鍾意食海鮮嘅我梗係開心到爆啦。坐低先嚟整個頭盤香辣汁拌桂蝦嘆吓！呢個香辣汁做得好惹味不過對我嚟講有啲辣，所以我食面頭冇浸住汁嗰啲就啱啱好。蝦肉夠新鮮食落仲好爽口，芥蘭同埋青瓜比到清爽嘅感覺，食到覺得辣嘅時候可以整粒紳石榴嚟中和吓，呢個頭盤真係夠晒醒胃好好味呀。滕椒三蔥爆虎蝦味道香麻唔係好辣啱晒我食！虎蝦大大隻啖啖肉食得好爽皮，入面嘅蔥、紫洋蔥同埋京蔥都係主角嚟唔可以唔食。除咗食蝦之外我哋仲叫咗雞！呢個乾蔥黑蒜豆豉雞煲熱辣辣最啱冬天食啦。雞肉煮到入晒味好香口仲幾滑添，最特別嘅係加咗黑蒜香甜味就更加重喇。雙式剁椒蒸大海蝦又黃又紅又綠咁顏色靚到不得了！色彩嚟自泡椒同埋黃椒加蔥花靚得嚟該會好惹味。鹹鹹香香辣辣嘅味道同海蝦真係幾夾喎！底下嗰啲粉絲同埋蟲草花吸晒蝦嘅鮮甜真係好惹味。食中餐相信好多人都會叫燒味我哋都唔例外！叫咗個叉燒同埋燒腩仔雙拼嚟嘆，燒腩仔個皮好脆肥瘦同調味都啱啱好質素好高。叉燒有燶邊食落去特別香口，肉質好夠腍又唔會太肥好食喎。蝦湯蟲草花浸菠菜勁鮮味，菠菜滑嘟嘟一啲苦味都冇，加埋個鮮味濃郁嘅蝦湯真係勁好食，入面仲加咗啲彈牙嘅蟲草花所以口感好好。最尾梗係整返個飽肚嘅飯啦！呢個櫻花蝦醬臘味河蝦炒鴛鴦飯做法好特別，用咗白米同埋糯米嚟煮唔怪得知個口感咁得意。炒飯入面除咗臘味之外仲有好多爽口彈牙嘅河蝦仁，食落好香口唔知係咪有糯米食完全身都暖笠笠正呀喂。呢個酥皮流沙盞係老婆大人最鍾意食嘅甜品，有菠蘿皮又有酥皮仲要有奶黃湯丸，淨係呢三樣嘢就知道口感有幾咁豐富，最緊要係夾埋起上嚟又真係好好味喎。香滑芝麻糕整得夠爽口芝麻味都好夠濃，食多啲希望啲頭髮都黑啲哈哈。
继续阅读