樓下冰室 (已結業)

放工人士返屋企前想先食埋饭，呢度嘅上菜速度同味道都恰到好处。每次嚟都必定叫蕃茄汤通粉配牛乳滑蛋，再拣配菜。佢有几款汤底，蛋都可以转芝士，但始终蕃茄汤滑蛋最合口味。今次配菜叫瑞士汁鸡翼，望menu已经见到系全翼，但上台嘅时候都俾佢嘅份量wow了一下，系好厚肉好大只嘅「一对」鸡翼。瑞士汁非常香浓，不是死甜，酱汁都卤晒入肉好入味。我系对拆骨有略略抗拒嘅人，但都食得好滋味，会好乐意再食嘅程度。蕃茄汤偏浓、有茄肉、但不杰，略甜但鲜蕃茄平衡到，配通粉就perfect。滑蛋有明显奶香，但质感偏散，加上半熟状态好易融入咗汤底入面，个人口味吧，可能有人会几中意，但我会期望成形一点嘅蛋。整体而言都系夹嘅，是另类嘅all day breakfast吧！蕃茄汤通粉配牛乳滑蛋卖相：⭐️⭐️⭐️⭐️⭐️味道：⭐️⭐️⭐️⭐️价钱：⭐️⭐️⭐️⭐️瑞士汁鸡翼卖相：⭐️⭐️⭐️⭐️⭐️味道：⭐️⭐️⭐️⭐️价钱：⭐️⭐️⭐️⭐️瑞士汁仲有得配鸡髀，其实真系几抵食🫶🏽