尋魚記 (裝修中)

今日同屋企人食饭，知道Vcity开左间新餐厅，加上又想食下中菜就决定试下~ 环境几宽躺，装修得体，比人感觉几舒服。一入左就已经放底左热水壶系枱，入面系热菜。我地总共嗌左三道菜同三个甜品。首先第一道系大盘香锅，拣左酱香味。入面都几多料，有猪耳、牛丸、猪肠等，不过其中虾就肉质麻麻地，另外午餐肉又唔太夹。食落都香口，配饭食啱啱好。第二道就试左金汤酸菜鱼，鱼质几好几滑，个汤唔系啲好刺激好辣个种，系顺口可以就咁饭，加埋啲宽粉几饱肚。第三道就系大鱼头粉皮汤，呢个几出色。个汤奶白色好睇又好味😋入面有豆腐、粉皮、白菜做配料，好夹。鱼头啲肉好滑，值得一赞👍🏿至于甜品叫左雪糕黑糖冰粉、酒酿丸子同红糖糍粑，全部都不过不失，几好食~总结黎讲，价位正路，想食鱼又想坐得舒服可以试下！