泰胡椒餐廳

营业中

休息中

细妹叫去食饭, 佢话想试下个同事介绍o既泰国店, 好早黎到, 得一台客, 地方唔算大, 感觉几娘, 侍应又冇笑容。我地研究左一轮餐牌后, 决定点黄咖哩鱼, 炸虾饼, 香茅包鸡。先上台o既系咖哩鱼, 闻落都有咖哩香味, 薯仔份量等约鱼o既三倍, d鱼好腍, 入口即化o个种, 冷藏急冻鱼都少食到咁'化' lor, 再黎o既系虾饼, 睇个样唔错, 咬落热辣辣又脆, 但就冇唛味, 内里有d碎虾,好似好懒wor, 唛唔系要打成虾胶先至黎做饼o既咩？咬到落d虾肉到反而食到淡淡腥味, 最后来个鸡, 颇黑的外貌, 心想外表唔系咁靓唔紧要, 最紧要好食, 一食之下, 味觉话我知, 完全辨认唔到究竟系唛味, 只知系怪味, 抬头望下个妹, 巳见佢额头挠起数条纹, 未等我出声巳经开口话有怪味, 同个侍应反应, 佢好有礼貌咁帮我地取消左佢, 原想俾返个OK 面佢, 但谂谂下, 两样野成百四蚊, 仲要系咁o既质素, 真系俾唔出手。