kikusan (已結業)

平日放工Kikusan 都系好多人喺出面排队，反而星期六8:00左右二人枱净系等5张枱，好快就有得去食。餐厅嘅装修靓，环境舒适。主打上海菜+日本菜fusion。我哋叫咗担担面、抄手、卷物、刺身。千层猪扒担担面：厚身猪扒系由几块薄猪扒合并而成。猪扒系放喺面上面一齐上，所以猪扒底个脆皮已经浸淋咗啲。猪扒有啲干，肉汁少，有啲失望。厚切牛脷煮大根：牛脷入口松软，萝卜清甜！刺身拼盘：有五种不同刺身，带子厚切，甜虾大只又好味。所有刺身都好新鲜。Kikusan 卷：有海胆、碎吞拿鱼、三文鱼籽。用料新鲜，一个卷满足几个愿望，卷中间仲包住青瓜，有啲清新嘅感觉。红油抄手：其实食到呢度已经有啲饱。抄手饱满，馅料扎实，皮好滑加埋啲红油，惹味十足。