笑笑居樂屋 (已結業)

星期一夜晚黎食，店员话有放题，但因为唔系太肚饿就冇要放题，决定散嗌。可能因为咁黎嘅野都系hea嘅放题质素。嗌咗个炸鸡软骨，成阵麦乐鸡味又唔脆又唔热，畀个menu 呃晒串烧拼盘，虽然系热嘅，但大部分嘅都系烧焦，咁就八十三蚊。炒面奄列好啲，唔出错，味道。特制日式饺子都系热嘅，不过不失啦。天妇罗真系喊出黎，虾系冇出事，但系青椒就系第一次食到咁⋯⋯大大旧青椒，入面出晒水。员工服务参差，有啲好有礼貌会埋黎主动serve，有啲就串串贡，我问下我张单系咪齐，佢话你唔记得我都帮你唔到。 散嗌人均一百六到，放题就一人240。无论系想剩系食少少日本料理定放题食到尽，呢个价钱绝对有更好选择。唔会再黎食。