京滬庭

营业中

休息中

我唔知佢哋个厨系喺追求美味嘅道路上行咗条较为独特嘅偏僻路线，定系根本毫不尊重自己职业，呢间嘢难食到一个点系我忍唔住要上嚟打篇文。霸王鸡份量虽然正常，不过只鸡本身一大阵雪味，咩酱料都掩盖唔到𠮶种味道，谂住雪味系好多餐厅嘅通病，殊不知酒酿汤丸先系大boss，个汤唔知佢落咩去煮，呢道甜品大大话话喺唔同餐厅都食过不下数十次，但今次呢个味道简直系颠覆我对「酒酿XX」嘅既有印象，又冇桂花香味、只有奇怪又唔吸引嘅酒味，试咗少少之后我笔汤圆𠮶阵都要尽量避开啲汤，到粒汤圆，我冇期望佢哋自己包，但谂住即使叫货返嚟都唔至于太差啦，一咬，我错了，原来汤圆都系一个味蕾新冲击嚟，个馅又㶶又干，一入口就成浸𤓓味，其实每样嘢如果厨房自己有稍为试下都唔会捧得出去俾人食。各位切勿以身试伏。