檀島咖啡餅店 (軒尼詩道)

营业中

休息中

一间好耐冇帮衬过嘅名店, 昨晚两口子路经此地, 忽然间想入去食野, 于是谂都唔谂就入左去喇! 入到去招呼欠奉, 全程自动波, 自己揾位坐底后, 等左一阵有个人放低左两杯水, 之后又唔知去左边; 于是睇下有咩食啦, 最后决定要碗叉烧汤濑, 要左个常餐, 吉列鱼柳公仔面, 同一杯冻柠茶, 可惜挥左好耐手都冇人应, 差点儿想走呀, 最后都有人肯埋黎为师傅落单!等左一阵叉烧汤濑首先登场, 叉烧系半肥瘦, 烧得都几靓, 入口松软, 味道少甜唔咸, 几好味, 但汤底较油, 濑粉就一般, 冇咩特别; 吉列鱼柳公仔面就有一大块鱼柳, 系即叫即炸热辣辣, 但可惜几腥加上肉质带少少硬, 唔算靓; 而公仔面就煮得几烟韧, 但汤底系清汤, 系就系冇味精, 不过冇黎味道, 有时食公仔面无非都系想食𠮶d味精啫; 而冻柠茶就几大杯, 不过茶味都系唔够, 作为一间咁出名嘅茶餐厅, 似乎差d㖞!总括黎讲食物素普通, 环境一般, 服务就值到冇啦, 而价钱就肯定唔平, 咁样食法埋单七十有一, 便利店咩? 比一般茶餐厅贵至少十蚊啦; 好日都唔黎呢间食店, 但师傅真系估唔到中比西好啰, 早知冲壶普洱可能仲正呀; 咁嘅质素咁嘅价