億饍 (已結業)

放学同男朋友去左一间新开嘅中、泰、越、中西fusion餐厅，呢度环境宽敞，分室内同平台(有cover)，就连bar都有！睇住个menu真系眼花缭乱，好不容易拣左几款推介菜式。饮品选择多，有红白酒、啤酒、砂冰、mocktail等等。男朋友点了椰汁三色冰，我就点了烧菠萝青柠特饮，味道酸酸地颇清新。店员介绍炖汤系每日限量供应，几款当中点了花旗参乌鸡排骨炖汤，真系非常足料！加入准山、杞子等药材，令汤更甘甜，美中不足之处系偏油。软壳蟹牛油果米纸卷有四大件，冇谂过软壳蟹体形咁大！咬落啖啖肉，鲜美多汁，配埋牛油果味道清新。必食老板娘推荐嘅蒜蓉牛油鸡翼！炸得十分酥脆热辣，真系热到辣亲嘴！大大只鸡翼皮脆肉嫩又多汁，面头舖满香蒜，鸡皮带有浓浓的牛油香~不过同样避免唔到偏油嘅问题...好似我咁钟意椰子类东西可以叫椰青海鲜焗饭，店员会装返杯椰青水俾你，最爱清甜润喉嘅感觉焗饭填满整个椰青，份量不少，有虾、鱿鱼、蟹柳等配料。焗饭粒粒分明，湿润度刚好，更带有椰香~想不到连肉饼都有得食，仲有好多款，例如麻辣香菇、黑松露......餐厅强调肉饼系手打，除左蒸仲可以铁板煎，真系几新奇。流心芝士肉饼就第一次食，肉饼扎实富肉