Brick by Brick

营业中

休息中

多数来中环都系食西餐或者日本餐，今次朋友竟然约我嚟食马来西亚菜。好彩朋友预早话要早少少来，因为呢度坐位唔多。餐厅行型格路线，好彩朋友约埋我喺中环站一齐过嚟，如果唔系自己未必会揾到，所以更加增添左神秘感。其实些利街小巷走入来就到。墙上边啲照片都好靓，另外要赞一赞店员都好细心，好友善，依家难得一见！大热天时当然要先叫两倍饮品，我地叫左一支1664 blanc 啤酒同杯冇酒精嘅冻Thai panda lemongrass & ginger tea，两杯都好清爽好正。今次叫左新鲜海龙趸片咖喱喇沙汤面，汤底调配得超好，好多海龙趸片，绝对抵食啊！另外就叫左个火热砂煲香浓肉骨茶，除左打卡一流，味道都好好味，我特别喜欢个蒜香米饼！肉骨茶d肉好软，汤清得来又浓味，正中马来西亚口味！用左猪软骨，肉特别嫩滑。另外仲比咗个蒜酱我地，话如果钟意浓味，加埋落去食就更好食。