大吉居酒屋 (已結業)

今日放咗工去咗中环揾个朋友，佢就推介食大吉，佢话之前系食放题嘅，但系依家转型做咗居酒屋，咁就一于去试吓啦。我地七点几上到去，人唔算多，环境清静好舒服，最啱同朋友倾计。前菜我地叫咗个油甘鱼沙律，油甘鱼好新鲜，好开胃，值得一试。主菜叫店员推介嘅大虾天妇罗，果然真系冇介绍错，咬落去虾肉炸完都好弹牙，只虾又好大只，真系好好味。然后叫了一份花鱼一夜干，一上枱见到条鱼系好大条，食落鱼唔多骨好多肉，点埋酱汁两者好夹。最后叫一份软壳蟹牛油果卷，味道不错，值得一试，附上由店舖自家制姜片，令整道菜唔会有饱滞感觉。值得一提店员态度好好，会同我地介绍食材同会问我地食物质素如何，真系好有亲切感。最惊喜嘅就系，原来有依家去到11月30日，晚上六时起，全单会六折。即话今次我地叫咗4道菜，埋单时都只系三百几，真系物超所值。