二把手 (已結業)

二把手🌟烧多春鱼🌟牛肉鸡髀菇卷串烧🌟明太子翠玉瓜串烧🌟牛横隔肌串烧🌟免治鸡肉棒串🌟汁烧带子串烧🌟豚肉蚝卷串烧🌟鹅肝🌟白鳝串烧🌟厚切牛舌串烧🌟烧羊架🌟火炙带子Taco🌟吞拿鱼腩蓉配三文鱼子Taco最近去咗一间性价比好高嘅串烧店，一入到去见到个Menu以为自己眼花，超多$10-$20嘅串烧可以拣。呢个价钱可以食到日式串烧真系好抵！因为价钱实在太平啦，所以我同朋友order咗足足11款串烧。个人最推介牛横隔肌、明太子翠玉瓜同免治鸡肉棒串。牛横隔肌嘅牛味浓郁，而且份量好大，一份等于平时嘅两份。明太子翠玉瓜微微咸配上蔬菜本身嘅甜味，烧完之后好食ar，跟住系免治鸡肉棒串，入面有鸡软骨食落去爽脆又有口感。我见餐厅有啲特别嘅taco款式，所以都order咗两个嚟试。两款都觉得食落好得意，用咗炸紫菜来做taco嘅饼底，入面有寿司饭、少少沙律酱、青瓜同埋鱼生，感觉好funny，真系日式嘅taco 。