BKK

位于PMQ嘅泰国菜 @bkk 新开冇耐已经充满人气，终于食到呢间bookmarked嘅餐厅！环境以暗红色为主调，充满泰国风情，座位亦好阔落，好适合食个chill嘅lunch或者晚餐。今次食咗餐厅嘅lunch set，性价比好高👍🏻----------------------------冬荫功汤冬荫功汤唔算辣，香茅味比较浓。大虾大大只几爽弹----------------------------泰北咖喱全蛋面呢个系每次食泰菜必点嘅。上菜嘅时候热辣辣、香气扑鼻，而且全蛋面索晒啲汤真系好正～ 汤底浓稠且充满椰香味，如果唔太食得辣呢个会好啱口味！----------------------------虎虾金边粉金边粉落咗罗望子酱，酸酸甜甜。金边粉同一般食嘅有啲唔同，比较烟韧，几特别😆----------------------------香辣炒通菜 通菜爽脆，带啲辣劲，几惹味🥬----------------------------芒果椰汁糯米饭 芒果几鲜甜，椰汁绵密而且唔太甜