點.魚 (已結業)

今日出开中环，见到有间食四川野嘅新餐厅，门面装修都几靓，于是入去试吓。佢地晚餐有套餐，我地叫咗1 set 2人餐试吓，呢个2人餐都几多野食。麻辣小馅饼，外层炸得好酥脆，虽然系炸，但唔太油腻，几特别，好味。酸菜支竹，呢个系凉拌，甜甜酸酸，好开胃。尖椒四川皮蛋，呢款好有四川特色，唔系普通皮蛋，系金皮蛋，个酱汁辣得黎好香。招牌酸菜鱼，条鱼系炸咗之后先放汤再煮，所以食落仲有香脆口感，鱼肉好厚身，都几大条，个汤酸酸辣辣好惹味，仲有唔炒配菜喺入面，有我最爱嘅薯粉，烟烟韧韧，吸晒汤嘅味道，正。麻香豆腐血旺，猪红好入味，豆腐吸晒d麻辣香味，唔错。芒果涷布丁，呢个甜品劲多芒果肉，非常足料，唔太甜。四川冰粉，食落非常冰凉，d冰粉好滑，唔太甜，好味。