INTIME (已結業)

放假同好友们来中环行下街chill下，行到肚饿就来咗InTime Café食嘢啦，呢间系新开嘅café，店员好努力系门口介绍餐厅特色饮食，我哋就系俾佢吸引咗入来啦。睇过menu后，我就拣咗炸北海道软壳蟹配黑松露忌廉汁扁意粉。个软壳蟹口感鲜嫩，外层炸得恰到好处，既酥脆又不失其原本嘅鲜味。而黑松露忌廉汁更是绝配，浓郁嘅松露香与忌廉嘅滑顺口感配扁意粉刚刚好，意粉吸收咗酱汁嘅味道，每一口都令人感到满足。好友叫咗香煎西班牙栗饲猪扒配焦糖苹果香草烧汁薯蓉及沙律。我试咗一啖个猪扒，哗……真系好惊喜喔，个猪扒煎到啱啱熟，外皮酥脆，内里又保持咗肉质嘅嫩滑同多汁。焦糖苹果香草烧汁嘅甜酸口感同猪肉嘅鲜美完美结合，搞到我想再叫多一份来食添。饭后甜品就叫咗红丝绒蛋糕配士多啤梨雪糕同InTime Affogato配香草雪糕。个红丝绒蛋糕口感绵密，带有淡淡嘅可可香，而士多啤梨雪糕则带来清新嘅果香同冰凉嘅口感。而Affogato配香草雪糕有浓郁嘅椰奶同清香嘅抹茶汁结合，雪糕嘅甜美同椰奶及抹茶非常夹，一啖雪糕一啖饼，话咁快就食完啦。虽然呢间InTime Café系条小巷仔度，但假期呢个位置都好多人咖，如果大家想来食嘢，