影片
更多
2018-06-21
282 浏览
今晚试咗间超正嘅铁板烧，色香味俱全，内外俱备，要喺度分享下先。 今晚中价的套餐每位$1380包咗前菜，刺身，鹅肝，龙虾，炸鱼 汤物，炒饭，炒菜同甜品！碟碟都又靓又正，连食物上用黎装饰的食用花都食得！天气热热饮返个餐前酒先，日本甲州葡萄酒，干身，唔太甜小酸，有清新果香。前菜系冲绳苦瓜天妇罗，鱼子，同埋梅酱生茄子，梅酱超香梅味！冲绳苦瓜好爽口甘香！刺身系牡丹虾，赤身同赤贝，一睇就知新鲜，质素无容置疑。跟住铁板师傅开始表演煎鹅肝，鹅肝劲肥美，入口即溶化，配埋师傅自家调制水果酱，同酸酸甜甜的一众生果如红加仑子，日本蜜柑，蓝莓等，油腻度大减！然后就系食澳洲龙虾，每位半只。师傅会起肉炒，再加埋佢个自身龙虾海胆汁，好味到连汁都Lam埋。之后有炸甘鲷！师傅系我地面前即席将佢连埋鱼鳞半煎炸，鱼肉香滑，鱼鳞非常香脆！成件甘鲷咁嘅煮法，加埋个汁又系非常好食！！食左咁多野，系要食下沙律健康下，新鲜嘅和风沙律仲有劲爽嘅海葡萄！五成熟美国牛柳，配日本冰菜，爽口清甜。烧得岩岩好，配埋炸蒜，超香！用头先个龙虾壳煲嘅龙虾面豉汤，正！蒜头渍，牛蒡用黎佐蒜香银鱼苗炒饭，一流！仲有个炒菜！最后的甜品都好精彩，有超甜多汁嘅静岗
天气热热饮返个餐前酒先，日本甲州葡萄酒，干身，唔太甜小酸，有清新果香。
前菜系冲绳苦瓜天妇罗，鱼子，同埋梅酱生茄子，梅酱超香梅味！冲绳苦瓜好爽口甘香！
刺身系牡丹虾，赤身同赤贝，一睇就知新鲜，质素无容置疑。
跟住铁板师傅开始表演煎鹅肝，鹅肝劲肥美，入口即溶化，配埋师傅自家调制水果酱，同酸酸甜甜的一众生果如红加仑子，日本蜜柑，蓝莓等，油腻度大减！
然后就系食澳洲龙虾，每位半只。师傅会起肉炒，再加埋佢个自身龙虾海胆汁，好味到连汁都Lam埋。
之后有炸甘鲷！师傅系我地面前即席将佢连埋鱼鳞半煎炸，鱼肉香滑，鱼鳞非常香脆！成件甘鲷咁嘅煮法，加埋个汁又系非常好食！！
食左咁多野，系要食下沙律健康下，新鲜嘅和风沙律仲有劲爽嘅海葡萄！
五成熟美国牛柳，配日本冰菜，爽口清甜。烧得岩岩好，配埋炸蒜，超香！
用头先个龙虾壳煲嘅龙虾面豉汤，正！
蒜头渍，牛蒡用黎佐蒜香银鱼苗炒饭，一流！
仲有个炒菜！
最后的甜品都好精彩，有超甜多汁嘅静岗蜜瓜，滑嘟嘟又晶莹嘅水信玄饼，仲有师傅为我地用铁板烧嘅邪恶焦糖牛油多士，今晚真系大满足。
张贴
