影片
更多
2018-07-10
106 浏览
闻说泷出左个夏季日本料理 所以同女朋友系某一日上左去试一试佢今次上到去 我就拣左个同上次唔同既选择 今次我拣左天妇罗SET一如既往 一黎到就黎左个头盘 -- 松叶蟹盖蟹盖由蟹膏+松叶蟹肉+海胆+昆布JELLY结合而成由于有蟹膏系到 食落口除左有蟹肉同海胆既鲜甜外 仲有浓浓既蟹味 而且由于佢系一种冷食 所以食落去好有消暑FEEL~~第二样上黎既系一份拼盘 由北海道白粟米+水母配芝麻酱+花螺及虾配蟹子组成 白粟米佢系生食既 有别于我地一向煮既黎食既黄粟米但你会食到好甜既粟米味 呢样系几surpruse既另外 未食过水母既我 今次初尝水母 而水母配芝麻酱系非常之夹~~~~~而水母本身都系新鲜爽口花螺食落口似系冇用任何调味 原只上冻食既 初初我以为会有腥臭味 点知原来冇 仲几新鲜! 不得不讲番句好野之后就上左碗鲍鱼清汤 内有1只鲍鱼 真材实料!虽然厨师同我讲系清汤 但我饮得出有些小果皮味 同面豉味 对于我本身好抗拒饮面豉汤既人黎讲 系非常满意 因为我本身唔系太钟意日本果种太浓面豉味既汤类 而呢碗对我黎讲系岩岩好!其后 就黎左一系列既天妇罗包括:虾天妇罗 绿茶盐沙锥鱼 白盐日本葱汁海鳗日本大蚬
今次上到去 我就拣左个同上次唔同既选择 今次我拣左天妇罗SET
一如既往 一黎到就黎左个头盘 -- 松叶蟹盖
蟹盖由蟹膏+松叶蟹肉+海胆+昆布JELLY结合而成
由于有蟹膏系到 食落口除左有蟹肉同海胆既鲜甜外 仲有浓浓既蟹味 而且由于佢系一种冷食 所以食落去好有消暑FEEL~~
第二样上黎既系一份拼盘 由北海道白粟米+水母配芝麻酱+花螺及虾配蟹子组成
白粟米佢系生食既 有别于我地一向煮既黎食既黄粟米
但你会食到好甜既粟米味 呢样系几surpruse既
另外 未食过水母既我 今次初尝水母 而水母配芝麻酱系非常之夹~~~~~而水母本身都系新鲜爽口
花螺食落口似系冇用任何调味 原只上冻食既 初初我以为会有腥臭味 点知原来冇 仲几新鲜! 不得不讲番句好野
之后就上左碗鲍鱼清汤 内有1只鲍鱼 真材实料!
虽然厨师同我讲系清汤 但我饮得出有些小果皮味 同面豉味 对于我本身好抗拒饮面豉汤既人黎讲 系非常满意 因为我本身唔系太钟意日本果种太浓面豉味既汤类 而呢碗对我黎讲系岩岩好!
其后 就黎左一系列既天妇罗
包括:
虾天妇罗 绿茶盐
沙锥鱼 白盐
日本葱汁海鳗
日本大蚬
白虾
日本甘鲷
濑尿虾
鲍鱼
金针菜
虾天妇罗: 建议配搭绿茶盐食用 同上次食既时候一样 虾天妇罗系我最钟意既一款 原因好简单:少粉 令你真系食到虾天妇罗而唔系成口粉 最后我连尾都食埋落肚
沙锥鱼天妇罗及日本甘鲷天妇罗: 建议配搭岩盐食用 鱼肉厚而嫩滑 要注意既系甘鲷下半部系由鱼鳞装饰而成 美观而不能食用嫁!!!
日本葱汁海鳗天妇罗: 呢款又系不得不重点推介 呢款天妇罗系配葱汁同爆香过葱食用 浓浓既葱味加埋海鳗既鲜味 真系冲击钟意食葱人士既味觉
日本大蚬天妇罗: 无需配任何调味料食用 因为佢本身系连埋一D配料去处用 例如有冬菇粒 去保持大蚬本身既原有鲜味之余 仲食落多一浸香味
白虾天妇罗: 由几条白虾痴埋一齐去炸成 第一眼望住以为白饭鱼 sosad 呢款可能要配柠檬汁食会比较好D 因为白虾本身比较幼细 冇咁多肉 所以会建议配柠汁帮佢添加味道
濑尿虾天妇罗: 我就第一次食 同另两类虾天妇罗比 呢款系肉比较实而有咬口既 味道唔错!
鲍鱼天妇罗: 保持到外脆内爽既口感 配盐/柠汁食都系唔错既
金针菜天妇罗: 最后以蔬菜既天妇罗做结尾 我认为作用系去走你食完咁多天妇罗之后果浸油炸味用既 几清甜!
食完一系列既天妇罗 我就拣左冻道亭面黎食 见夏天热辣辣 梗系拣番个冷面食下 碗面其实系配一个清清地既汤底 我个人认为碗面系重点唔系食味道而系食口感 因为佢D面条系烟烟韧韧 好有口感既 几好食 亦都系食左咁多年面 第一次系到真系烟烟韧韧既感觉
最后甜品黎左个鹿儿岛炸蓄薯 及 日本蜜瓜及车厘子做埋尾
鹿儿岛炸蕃薯系连皮放入去炸一段长时间 而令你出到黎既效果系可以连皮食 呢款系会配白兰地汁+白沙糖黎食 甜品黎讲系一流既 蕃薯连皮食可令你同埋食到外皮既香脆及内嫩既薯肉
而日本蜜瓜一向都系出名甜而多汁 呢样真系冇得输 系一个甜美既结局!
张贴
