令酒場 (已結業)

Weekend约咗朋友去中环食饭，去咗一间平日lunch好多人排队嘅日式料理。我哋叫咗两份午餐，午餐包括汤、沙律、前菜、主菜同两款串烧，性价比好高非常抵食👍🏻-海胆帆立贝丼帆立贝好大粒份量都几多，最紧要系好新鲜鲜甜。海胆都好足料，食落味道清甜，入口即溶，非常满足。呢份餐配咗大蒽鸡肉同甜薯两款串烧，两款都烧得好香，特别系鸡肉好嫩滑好惹味👍🏻-角切鱼生丼入边有多种刺身，非常丰富而且鱼肉好厚肉，虽然系角切但食得出好新鲜，钟意食鱼生嘅朋友一定唔好错过～-安格斯牛粒串牛肉好厚肉但一啲都唔鞋，食落好有牛肉味，烧得好香口，非常推荐👍🏻-日本免治鸡肉串鸡肉串用鸡肉同埋软骨制成，识落非常有口感层次丰富，烧得好香好惹味，配埋蛋黄一齐食又香又滑。-吉列车海老大虾好大只，炸得香脆可口，炸粉唔系太厚刚刚好，一啲都唔会觉得油腻。-吉列广岛蚝炸蚝真系好抵食，每只都大大只，仲有五只咁多。同样都系新鲜炸起好香脆，一啲都唔油腻。-忌廉蟹肉薯饼佢哋嘅咋嘛真系唔错，所以我哋又加多一份炸薯饼。里面薯蓉好软滑，外脆内软，令人食唔停口。