Sooshi Gold (裝修中)

依間日式餐廳以簡約木系裝修為主，一入門口就會見到一張L型吧枱，牆上擺滿清酒樽，甚有格調～Lunch有omakase及lunch set選擇，今次就試咗佢地既lunch set🥰✨Lunch Set✧ 定食、沙律、茶碗蒸、湯及甜品✧❀ 刺身定食 🐟總共有六款刺身，每款兩件，全部都係厚切又新鮮😍 擺盤好靚，刺身有赤貝、拖羅、鰤魚、左口魚裙邊配鯛魚、鰹魚及甜蝦，非常豐富💕 最中意係拖羅入口即溶既感覺，而且係無筋，肥美鮮甜。赤貝口感爽滑，甜蝦亦好鮮甜。鰤魚係野生品種，體積較油甘魚大，食落油脂感較重～左口魚裙邊經微微炙燒後，油脂感更重，入口即溶。而鯛魚刺身包住海草，咸鮮味重。而最濃味就係鰤魚，以稻草作炙燒，有陣陣煙燻味～❀ 西京燒銀鱈魚定食 🐟西京燒係以西京白味噌作調味～大大塊銀鱈魚，魚皮燒得香脆，魚肉好嫩滑，味道咸香帶甜，非常惹味，配白飯及飯素食一流😋❀ 抹茶紅豆奶凍 🍵奶凍口感幼滑，奶香味濃又帶甘香，配埋紅豆令味道更香甜，作為餐後甜品唔錯