宿宿醉 (已結業)

中环好西唔一定上苏豪区既，呢间越南舖相当不俗，野食好食，环境亦好特别。自家制越式蔗虾($48/1件)，味道好香好浓，吸哂甘蔗既甜味。芒果软壳蟹米纸卷($98)，卖相好靓，芒果亦都新鲜，有甜味，配上软壳蟹既脆口，好食！超级宿醉回魂粉($188)。呢到既招牌菜，个碗犹如返返去宫庭一样，而且系劲大碗劲多𩠌，一定要好多人黎食先好叫。汤底十分入味，金边粉好弹牙，索哂啲汤好好食。𩠌方面有安格斯牛肉粒、牛坑腩、牛栢叶、牛筋丸、越南虎虾，总之就好多同好食。樱花虾遁地通菜($88)。樱花虾味好浓郁，通菜索哂啲汁都正。