一虎 (已結業)

年头到九州自由行, 食拉面食到上晒瘾, 今日就嚟到高质美食云集嘅SOHO揾日本正宗猪骨拉面！呢度以香浓猪骨汤底见称, 汤头加入大量猪骨 & 蔬菜, 淆足12小时！就连面底都分别有直身同曲面两款俾你拣, 非常讲究！两者有咩分别？原来曲面加咗蛋黄, 比较有弹性, 而且hold到较多汤汁。而直身面口感较为顺滑, 配合浓稠汤底就最适合啦。我拣嘅呢款海老虎拉面, 浓郁猪骨汤底再加上海老油、樱花虾, 为原本已经浓厚嘅汤头再增添风味。 虽然浓汤比较适合配直身面, 但我个人特别钟钟意浓汤挂面嘅感觉, 拣曲面就完全做到呢个效果啦。叉烧厚薄适中, 肉质偏瘦, 非入口即溶type, 但质感实在,食落带浓郁肉香。拉面讲究, 小食亦同样出色！呢个煎饺子, 底部煎至金黄色, 咬落外层微脆, 入面馅料鲜味多汁, 自家制确系唔同啲。