Burger Bar (已結業)

中环兰桂坊出名多好嘢食, 近期仲新开咗间专食Burger嘅小店 - Burger Bar.牛肉汉堡当然系呢度嘅主打啦！牛扒分别有和牛同安格斯牛扒两款, 唔食牛嘅朋友仲可以拣鱼, 鸡或者素食burger.我就拣咗田园蘑菇扒汉堡。园蘑菇扒汉堡 $120(安格斯牛肉、车打芝士、大烧烤啡菇、生菜、番茄、烤洋葱、招牌特制酱、面包)呢个汉堡份量之大, 实在夸张, 单手系绝对拎唔晒。特厚汉堡面包涂上牛油烤成脆皮, 面包中心出奇地柔软, 口感极佳。大啡菇同汉堡扒几乎系一比一咁大, 汉堡扒肥瘦比例适中, 松软得嚟唔易散, 食落相当juicy, 香浓肉汁同啡菇鲜味同时喺口中爆发, 滋味无比。嚟到兰桂坊唔蒲都要饮返杯. . . . . . . .苹果汁啦！ 唔讲仲以为嚟咗杯 whisky 添。