影片
更多
2023-12-16
63 浏览
秘鲁菜一直带比人一种神秘嘅感觉🇵🇪呢间位于中环嘅秘鲁菜餐厅更加系融合埋日本菜嘅fusion菜🇯🇵餐厅最近推出咗全新嘅Intoxicating Collection，令用餐时除咗味觉之外，其他感官都有崭新嘅享受👃🏻Menu咁多选择都心大心细👀最后就决定要呢个Please Chef Feed Me ($540 pp)嘅tasting menu，等餐厅安排啲招牌嘅菜式❤️H&M 2 (单点: $180)店员上菜嘅时候会拎埋个好复古嘅香水樽出嚟😌即席喷上少量桦树皮香水，香水偏重木香，带点烟熏味🔥各有四片油甘鱼同吞拿鱼刺身🐟伴有大葱酱汁，柠檬啫喱🍋同埋柑橘芫荽油，酱汁加入咗buttermilk，所以会带有啲酸味，大葱同芫荽嘅味道就唔算突出Ceviche Aromatico (单点: $175)呢道前菜同样配上香氛，今次则系柠檬叶香水🍋香气清新，菜式系一款秘鲁嘅腌生鱼，入面系切到一粒粒嘅鲈鱼🐟配上生菜、番薯粒、脆粟米粒同埋芫荽等，口感都几丰富😙酱汁就系一款叫tiger’s milk嘅秘鲁特色酱汁，系用青灵、洋葱同埋香料等加入鱼肉、鱼汤制成嘅酱汁，食起嚟酸酸辣辣咁😆Eryngii Maki (单点:
Menu咁多选择都心大心细👀最后就决定要呢个Please Chef Feed Me ($540 pp)嘅tasting menu，等餐厅安排啲招牌嘅菜式❤️
H&M 2 (单点: $180)
店员上菜嘅时候会拎埋个好复古嘅香水樽出嚟😌即席喷上少量桦树皮香水，香水偏重木香，带点烟熏味🔥各有四片油甘鱼同吞拿鱼刺身🐟伴有大葱酱汁，柠檬啫喱🍋同埋柑橘芫荽油，酱汁加入咗buttermilk，所以会带有啲酸味，大葱同芫荽嘅味道就唔算突出
Ceviche Aromatico (单点: $175)
呢道前菜同样配上香氛，今次则系柠檬叶香水🍋香气清新，菜式系一款秘鲁嘅腌生鱼，入面系切到一粒粒嘅鲈鱼🐟配上生菜、番薯粒、脆粟米粒同埋芫荽等，口感都几丰富😙酱汁就系一款叫tiger’s milk嘅秘鲁特色酱汁，系用青灵、洋葱同埋香料等加入鱼肉、鱼汤制成嘅酱汁，食起嚟酸酸辣辣咁😆
Eryngii Maki (单点: $110)
叫得fusion菜呢度就梗系有啲日本风味啲嘅菜式，餐厅有几款招牌卷物🍣呢一款就以烤鸡髀菇同埋牛油果做馅料🥑中间亦有伴上味噌南瓜蓉，令食起上嚟冇咁单调😍
Yaki Nasu (单点: $140)
呢个系其中一款新推出嘅菜式，感觉有啲似特色嘅味噌烧茄子🍆不过呢度就用咗秘鲁黑辣椒照烧汁代替，餐厅好有心机将茄子𠝹花，令到香甜嘅酱汁味道入晒落茄子肉入面😍忍唔住一啖接一啖咁食，亦都有啲菲达芝士粒系茄子同脆粟米粒上面点缀🧀红色嘅酱汁则系一款突尼西亚蒜蓉辣椒酱，不过个人觉得本身个照烧汁已经好够味🙈
T-3 (单点: $120)
唔好睇呢款好似普通沙律咁🥬其实入面加入咗鹌鹑蛋、原种蕃茄（特别甜同多汁架）、南瓜同埋米通脆脆🍅可以食到多种唔同嘅口感，沙律菜好新鲜，酸酸地嘅秘制酱汁非常开胃😝
Picanha “Mis Tres” (单点: $190)
终于到主菜喇😂呢款比较似秘鲁式烤肉串，用上牛冧肉🐮带少少肉味，肉质软腍，好容易就咬得开，侧边嘅配菜都好特别，分别系烟熏粟米蓉同埋枝豆🌽粟米蓉已经打到非常绵密，味道有啲似豆蓉，底下嘅柚子醋姜泥酱汁，令到成道菜又增添左啲日式风味😛
Langosta Ahumada (单点: $480)
压轴出场嘅主菜果然冇令我哋失望，一上台已经吸引住周围嘅目光🤣店员拎住个极大嘅玻璃就过嚟一打开就闻到浓浓嘅橡木烟熏香味🪵等啲烟散晒之后就见到一只好靓嘅龙虾摆喺眼前🤩龙虾本身已经拆晒肉同切开晒，所以完全系啖啖肉，啲烟熏香味已经入晒落虾肉入面🤤虽然menu写个酱汁系以黄辣椒同柚子辣椒整成，但入口完全唔辣，反而食到好重嘅虾味🦞上面嘅红萝卜丝非常爽脆，完全冇生萝卜𠮶种草青嘅味道🥕另外亦都配上一份酸种面包，呢个面包又系另一个惊喜，只可以用外脆内软来形容😍而且面包亦都配上龙虾汁，就算已经好饱都要食晒个包同点晒啲汁😋
My Banana (单点: $130)
呢度嘅甜品以七宗罪做主题，呢一款代表边一宗罪…就自行想像🙈其实一见到呢款甜品嘅时候感觉有啲似香蕉船🍌比较特别嘅系雪糕系肉桂口味，底下亦都有啲苹果金宝🍎可能有三球雪糕嘅关系，就算两个人share都好饱🍨
Flirtini (单点: $120)
呢度嘅cocktail都分咗东京同埋尼马两种特色，Flirtini以清酒为基底🍶加入柠檬香橙gin酒，苦橙同埋盐渍樱花，入口完全唔甜，系比较成熟嘅味道🌸
Earl Grey Lemonade (单点: $60)
呢款mocktail就以士多啤梨、荔枝、伯爵茶糖浆同埋rose lemonade调制而成🍹入口偏香甜，士多啤梨味比较突出🍓
10 浏览
0 赞好
0 留言
6 浏览
0 赞好
0 留言
7 浏览
0 赞好
0 留言
4 浏览
0 赞好
0 留言
6 浏览
0 赞好
0 留言
5 浏览
0 赞好
0 留言
9 浏览
0 赞好
0 留言
7 浏览
0 赞好
0 留言
5 浏览
0 赞好
0 留言
4 浏览
0 赞好
0 留言
张贴
