天蓬 (已結業)

去开中环都觉得食饭好贵，但其实喺好多行仔都有唔少好嘅餐厅，其中一间就系次次谂唔到食咩都会走去食佢嘅天蓬。铺面干净整齐，座位都舒适，主要最出名就系食佢哋嘅猪扒。佢哋嘅猪扒有好多唔同嘅配搭，但整体嚟讲价钱都好相宜，𠮶日咁啱就食咗瑞士汁猪扒捞丁。佢嘅瑞士汁偏甜，配上香煎过嘅猪扒，简直系世一。同埋佢成个餐嘅份量都好大，猪扒差不多有两块，而且佢会事先切开一件件俾你，所以都易食。不得不提就系佢个面底真系好多，可能有成一个半面，就算系男士食都一定会饱。