Nuevo Tapas Bar

营业中

休息中

通常系啲Bar & Restaurant食嘢，一般食物质素都比较普通。本身都抱住同样嘅心情去试呢一间，点知食完之后居然有意外收获，完全系unexpected 佢哋嘅食物质素系咁高。🤩Nuevo Wings🍗呢款炸鸡翼外脆内嫩，炸粉唔会太厚，拆咗单骨嘅鸡翼啖啖都系肉，配合埋佢哋特制嘅香草香料，特别香口开胃！🌞Grilled Truffle Bikini🥪呢个三文治真系有惊喜！黑松露香气浓郁，入面馅料系bacon同埋拉丝嘅芝士，再配埋烤到松软嘅多士，一口咬落真系邪恶得嚟又舒畅！😋Iberico Pork Shoulder🐖呢碟西班牙黑毛猪肩肉绝对系卖飞佛，经过慢煮嘅猪肉肉质超级软腍，呢个部位系肥瘦适中，香气十足嘅猪肩入口即化又juicy，食完真系返唔到转头！🤤Amber 🍹呢杯酒吧招牌Cocktail，用咗Gin酒做底，加上独一无二嘅接骨木花香味，配搭着苹果汁同蛋白，清新又花香四溢，心情都变得好甜蜜！💗Volcano 🌋另一杯Volcano就打卡感十足，上枱嘅时候会好似火山爆发咁样on flame，火辣辣咁嘅，有浓郁嘅热情果水果味同埋微辣嘅胡椒薄荷味，过瘾得嚟又好刺激！🔥