影片
更多
2022-10-12
623 浏览
揚食屋 Homurice📍中環士丹利街33號地舖星期一放假，等朋友放工後同佢去咗中環食飯，見到呢間和洋食店嘅丼飯幾吸引，所以決定試下。💰$112原條鰻魚五目蛋包飯 (人氣北海道忌廉汁) 🍛呢度嘅五目飯係由鰹魚湯、菇同甘荀煮成，有別於大家對日式蛋包飯一定係以蕃茄炒飯做飯底嘅觀念。個飯足料而且好香，同滑溜嘅蛋皮好夾，加埋忌廉汁，比咖哩蛋包飯少咗一份油膩感。原條鰻魚size算大條，第一啖食落有少少腥味，但之後食都覺得好香好好味，將上面嘅紫菜撈埋蛋包飯同忌廉汁，再夾少少鰻魚一啖過食，真係好正！飲品方面，我同朋友揀咗凍蜜桃茶，都係似用糖水開嘅飲品，無咩特別。要特別留意一下嘅係，佢同隔離嘅廿一堂係分開獨立嘅座位，所以如果喺廿一堂買咗嘢食，嚟到洋式屋叫餐就唔可以選擇堂食，必須加錢將套餐轉成外賣，先可以坐埋一齊食。相信如果唔係有呢個規則，揚食屋嘅擺盆一定好靚，更適合打卡！
📍中環士丹利街33號地舖
星期一放假，等朋友放工後同佢去咗中環食飯，見到呢間和洋食店嘅丼飯幾吸引，所以決定試下。
[價錢 Price]
💰$112
原條鰻魚五目蛋包飯 (人氣北海道忌廉汁) 🍛
呢度嘅五目飯係由鰹魚湯、菇同甘荀煮成，有別於大家對日式蛋包飯一定係以蕃茄炒飯做飯底嘅觀念。個飯足料而且好香，同滑溜嘅蛋皮好夾，加埋忌廉汁，比咖哩蛋包飯少咗一份油膩感。
原條鰻魚size算大條，第一啖食落有少少腥味，但之後食都覺得好香好好味，將上面嘅紫菜撈埋蛋包飯同忌廉汁，再夾少少鰻魚一啖過食，真係好正！
飲品方面，我同朋友揀咗凍蜜桃茶，都係似用糖水開嘅飲品，無咩特別。
要特別留意一下嘅係，佢同隔離嘅廿一堂係分開獨立嘅座位，所以如果喺廿一堂買咗嘢食，嚟到洋式屋叫餐就唔可以選擇堂食，必須加錢將套餐轉成外賣，先可以坐埋一齊食。相信如果唔係有呢個規則，揚食屋嘅擺盆一定好靚，更適合打卡！
张贴
