椈 (已結業)

位于中环兰桂坊一带嘅居酒屋🍶门面设计日式感满满😍有日式灯笼🏮樱花🌸日系猫面具🐱内里有日系酒吧式长台，环境气氛轻松👍店员亦好有礼貌🥰食物都有惊喜，款式多而有质素😋🥑三文鱼牛油果沙律新鲜厚切三文鱼配上新鲜优质牛油果，表面淋左日式芝麻酱，底下有沙律菜做加上甜甜酸酸既沙律醋酱汁配搭，食落开胃又带点满足感🍤炸物拼盘有四款唔同既炸物同沙律菜，有外皮炸至酥脆既多春鱼，味道香口既椒盐豆腐 仲有表面炸至金黄既鸡软骨同埋八爪鱼，香口到食唔停🍢串烧拼盘有唔同款式既串烧，首先有烤至薄脆既鸡皮，油香四溢，而大葱豚肉串同猪颈肉串盐烧至表面焦脆，淡淡肉兼咸香滋味，鸡翼调味亦都做得唔错，仲有两款蔬菜同沙律菜，多汁脆肉瓜同埋香甜蕃薯仔，可以解一解腻🐟三文鱼炒饭满满既三文鱼炒饭，饭面炒至金黄干身而且粒粒分明，上面仲铺上三文鱼籽，食落每一口都夹杂住三文鱼粒同粟米粒，香口美味🍨抹茶芭菲清甜既抹茶味雪糕配上香甜软腍既红荳，配搭恰当，仲有大大块脆饼伴埋一齐食，香脆好味