影片
更多
2024-08-04
1557 浏览
Hidden bar 总比一般酒吧多左种玩味同吸引，近排都热衷于探索香港唔同嘅特色hidden bar 。呢间叫Room 309，位于中环the pottinger 酒店3楼。本身上网睇话要系隔离餐厅拎房卡先入到去，好似check in 咁好有趣。可惜嘅系餐厅己经结业，入去就只系ring the doorbell ，少咁啲神秘感。不过离开去厕所嘅人都可以体验一下用房卡拍卡入翻酒吧嘅感觉，都算系意外惊喜。闲日夜晚七点几去到唔多人，坐下坐下都全院满座，环境细无可避免就嘈杂啲。酒吧其中一个系列系以童话故事为主题嘅cocktail，连menu 都整到好似故事书咁，每杯都有符合主题嘅装饰，好精致，打卡一流。要左一杯I do believe in fairies ，记忆中系有关Peter pan 嘅。饮落去有股草青味，本身以为呢啲靓靓cocktail 都系甜甜地易入口、啱女仔嘅，冇谂过呢杯嘅味道咁特别。另一个系列系透明，连menu 都设计成透明，调酒师介绍话好多时候都会因为颜色而预设左味道，例如红色就系草莓味咁。特意将酒整成透明，就可以打破呢个预设，集中以味觉感受，从而更能享受cocktail 嘅
呢间叫Room 309，位于中环the pottinger 酒店3楼。本身上网睇话要系隔离餐厅拎房卡先入到去，好似check in 咁好有趣。可惜嘅系餐厅己经结业，入去就只系ring the doorbell ，少咁啲神秘感。不过离开去厕所嘅人都可以体验一下用房卡拍卡入翻酒吧嘅感觉，都算系意外惊喜。闲日夜晚七点几去到唔多人，坐下坐下都全院满座，环境细无可避免就嘈杂啲。
酒吧其中一个系列系以童话故事为主题嘅cocktail，连menu 都整到好似故事书咁，每杯都有符合主题嘅装饰，好精致，打卡一流。
要左一杯I do believe in fairies ，记忆中系有关Peter pan 嘅。饮落去有股草青味，本身以为呢啲靓靓cocktail 都系甜甜地易入口、啱女仔嘅，冇谂过呢杯嘅味道咁特别。
另一个系列系透明，连menu 都设计成透明，调酒师介绍话好多时候都会因为颜色而预设左味道，例如红色就系草莓味咁。特意将酒整成透明，就可以打破呢个预设，集中以味觉感受，从而更能享受cocktail 嘅味道。
拣左cut the fog 介绍有豉油系面层，第一啖饮落去觉得有啲奇怪，但饮饮下反而觉得佢咸咸甜甜咁好特别，系是晚MVP
最后要多左杯透明cocktail ，iced guava ，话梅粉围杯边，主体虽然系guava 但饮落都好似梅味咁，加埋有气几夹，酒精味又唔重。
张贴
