辨面館 (已結業)

行经中环，见到一间新开嘅川菜餐厅，几抵食就入去试下。因为好肚饿，我同朋友嘅坐低就叫咗三文鱼子担担冻豆腐，这道前菜有小小麻辣，好似担担面咁好香花生酱味，同时豆腐好清新爽口，非常适合最近转热的天气。我叫咗慢煮吉列猪扒担担面，辣辣地，同样带有花生酱香，配菜有温泉蛋、芽菜、菜苗。吉列猪扒分开上，炸到外脆内软，仲有芝麻酱沙律伴碟，唔使惊太大罪恶感。朋友唔食得辣，叫咗慢煮温泉鸡汤面，汤底味道较日式拉面清甜，而且有鸡味，鸡肉好嫩口易咬，配菜有少少唔同，有温泉蛋、木耳、鸡肉、芽菜。面餐免费送两罐可乐，还可以追加小食。我哋加咗鸡汤西兰花，即叫即煮，上菜时出哂烟。我哋同时加咗三件四川炸鸡，同样热辣辣，新鲜炸起，加咗辣粉和甜酸酱更加惹味。最后我哋仲叫咗慢煮香草牛肋串同孜然纽西兰羊肉串。香草牛肋串嘅牛味够重，而且有咬口；孜然纽西兰羊肉串则羊味浓郁，但唔会骚。串烧都有沙律伴碟，吃起来更加健康美味。除了美食外，餐厅当晚仲播咗好多经典英文金曲，气氛非常好。