影片
更多
2021-12-12
161 浏览
最近留意到越嚟越多新开嘅鮨店，为咗慰劳下自己，忙里偷闲之中嚟到中环依间Sooshi Gold实行毒撚自私食Omakase计划😛• Omakase $498午市嘅omakase分咗两款，一款系以寿司为主，而另一款就有埋刺身，今次拣咗后者试试佢～刺身方面先吃间八鱼薄切，亦即体长2m以上嘅大型𫚕鱼，口感烟韧有弹性，配柚子醋啫喱及生紫菜，少少酸味打开味蕾。剥皮鱼质感细致，拌以自身嘅肝酱入口creamy同浓郁！天然真鲷比养殖嘅真鲷甜度更明显，卷上根室赤海胆，一淡一浓形成强烈对比😳日本真蚝海水味不太强烈，反而突显蚝肉本身嘅鲜味～刺身拖罗共有两食，一件配搭鱼子酱做成嘅薄片，带点咸味，另一件就做咗炙烧，迫出鱼油味道更甘香☺️寿司方面有深海池鱼、帆立贝、秋刀鱼、牡丹虾配虾膏同赤海胆。深海池鱼同秋刀鱼依两款最近经常食到，新鲜度好高，冇特别花巧嘅配搭，食出食材嘅原味。帆立贝𠝹咗花令到口感更软滑，带有柚子清香。加咗炙烧虾膏嘅牡丹虾非常香口，最爱虾肉黏糯嘅texture。而海胆就更加系冇得输，浓郁又鲜甜，完全系味觉嘅享受🧡尾声仲有拖罗蓉手卷，拖罗蓉仲多过饭，食落紫菜够脆口，加上拖罗鱼油嘅芳香
• Omakase $498
午市嘅omakase分咗两款，一款系以寿司为主，而另一款就有埋刺身，今次拣咗后者试试佢～
刺身方面先吃间八鱼薄切，亦即体长2m以上嘅大型𫚕鱼，口感烟韧有弹性，配柚子醋啫喱及生紫菜，少少酸味打开味蕾。剥皮鱼质感细致，拌以自身嘅肝酱入口creamy同浓郁！天然真鲷比养殖嘅真鲷甜度更明显，卷上根室赤海胆，一淡一浓形成强烈对比😳
日本真蚝海水味不太强烈，反而突显蚝肉本身嘅鲜味～刺身拖罗共有两食，一件配搭鱼子酱做成嘅薄片，带点咸味，另一件就做咗炙烧，迫出鱼油味道更甘香☺️
寿司方面有深海池鱼、帆立贝、秋刀鱼、牡丹虾配虾膏同赤海胆。深海池鱼同秋刀鱼依两款最近经常食到，新鲜度好高，冇特别花巧嘅配搭，食出食材嘅原味。帆立贝𠝹咗花令到口感更软滑，带有柚子清香。加咗炙烧虾膏嘅牡丹虾非常香口，最爱虾肉黏糯嘅texture。而海胆就更加系冇得输，浓郁又鲜甜，完全系味觉嘅享受🧡
尾声仲有拖罗蓉手卷，拖罗蓉仲多过饭，食落紫菜够脆口，加上拖罗鱼油嘅芳香真系好正！
所有嘅午市套餐都会包括埋沙律、茶碗蒸同汤添㗎👏🏻
张贴
