影片
更多
2022-05-02
2630 浏览
鸡白拉面专门店品牌座银集团旗下又引入新拉面品牌 - 来自大阪难波既ℕ𝕖𝕩𝕥 𝕊𝕙𝕚𝕜𝕒𝕜𝕦。继鸡白汤、鲷鱼汤后，今次轮到牡蛎做主角。餐厅地点正正系座银隔一个铺位，正宗「打对台」排队都一左一右齐齐排，搞到我去到都要研究下排队人龙既面向先知边到系龙尾。.ℕ𝕖𝕩𝕥 𝕊𝕙𝕚𝕜𝕒𝕜𝕦唔似其他两间拉面姐妹店咁行日本传统柔和木系风格，今次大走暗黑路线玩暗黑、石砖墙同金属不锈钢装饰，门口线条简约，招牌单纯只有一个圆形同一个倒三角符号，神秘型格。由于刚刚开业，加上假日中午黎尝鲜既人确实不少，最终都等咗差唔多半个钟先至可以入座。.同品牌其他姊妹店一样，餐牌好简约得三款拉面 - 牡蛎白汤：以牡蛎加上豚肉、鸡肉熬制而成嘅汤底；牡蛎清汤：顾名思义系单纯以牡蛎高汤入面；牡蛎沾面：牡蛎加上豚骨汤嘅高度浓缩版本。.小食暂只有慢煮叉烧同樱木烟熏糖芯蛋两款，听店员讲嚟紧仲会有炸牡蛎供应。不过到访当天可能仲系soft opening ，慢煮叉烧供应量不足，所以只系可以配拉面享用唔可以散叫。.牡蛎白汤 ᴋᴏᴇʀᴜ 💲158⭐️3.9/5前前后后嘅食客基本上都系叫呢款主打白汤版本。同鸡白、鲷白汤一样，牡蛎加上豚肉同鸡肉一齐熬煮，
.
ℕ𝕖𝕩𝕥 𝕊𝕙𝕚𝕜𝕒𝕜𝕦唔似其他两间拉面姐妹店咁行日本传统柔和木系风格，今次大走暗黑路线玩暗黑、石砖墙同金属不锈钢装饰，门口线条简约，招牌单纯只有一个圆形同一个倒三角符号，神秘型格。由于刚刚开业，加上假日中午黎尝鲜既人确实不少，最终都等咗差唔多半个钟先至可以入座。
.
同品牌其他姊妹店一样，餐牌好简约得三款拉面 - 牡蛎白汤：以牡蛎加上豚肉、鸡肉熬制而成嘅汤底；牡蛎清汤：顾名思义系单纯以牡蛎高汤入面；牡蛎沾面：牡蛎加上豚骨汤嘅高度浓缩版本。
.
小食暂只有慢煮叉烧同樱木烟熏糖芯蛋两款，听店员讲嚟紧仲会有炸牡蛎供应。不过到访当天可能仲系soft opening ，慢煮叉烧供应量不足，所以只系可以配拉面享用唔可以散叫。
.
牡蛎白汤 ᴋᴏᴇʀᴜ 💲158
⭐️3.9/5
前前后后嘅食客基本上都系叫呢款主打白汤版本。同鸡白、鲷白汤一样，牡蛎加上豚肉同鸡肉一齐熬煮，所以汤嘅质感同样非常浓稠，几近乎沾面汤既口感。汤带牡蛎微微鲜味，本身唔算特别喜欢海鲜汤头觉得不多不少刚刚好。浓稠汤底内加左不少洋葱粒调味，我自己好喜欢呢个配搭，因为洋葱鲜甜可以中和浓腻感。汤配料有慢煮叉烧一片同埋一只小牡蛎，份量不多质素正常。
.
牡蛎沾面 ᴀꜱᴏʙᴜ 💲178
⭐️3.9/5
我食拉面不习惯饮汤，只系喜欢以拉面挂汤吃，因此一向都比较偏心沾面，反正都系纯用拉面挂汤，汤越浓当然越惹味。变调版本既沾面汤，除左比牡白款咸同牡蛎味少少被豚香掩盖外；两款面汤底，无论口感同味道都意外地接近。沾面用咗日本一间知名制面屋独家研发出长方形嘅「平打面」，号称更加挂汤。唔知系咪错觉，呢种平面份量比我之前食过嘅沾面都要多。面条似用清水呈上，面质滑溜，极似港式河粉质感。沾面冇跟完整叉烧，豚肉全部已经变成肉碎混喺啲汤入边，另外唔少得仲有牡蛎一只。
.
樱木烟熏糖芯蛋 💲15
⭐️4/5
糖芯蛋系座银集团做得比较出色嘅项目。蛋黄呈深橙色，有微微咸香同烟熏味，必点。
.
总结：牡蛎白汤同牡蛎沾面今次平手。不考虑价钱，只系可以二选一嘅话我会叫返白汤，因为汤比沾面鲜甜少少。唯一要吐糟部份就一定系价钱，连加一接近💲200一碗拉面计，定价算系相当进取，几近天价。不过睇见佢哋集团三间拉面店既排队人龙，貌似呢个问题影响不大。
.
不专业食评 nei.foodie
牡蛎白汤
$158
110 浏览
0 赞好
0 留言
牡蛎沾面
$178
143 浏览
0 赞好
0 留言
牡蛎沾面
$178
72 浏览
0 赞好
0 留言
牡蛎白汤
$158
49 浏览
0 赞好
0 留言
樱木烟熏糖芯蛋
$15
39 浏览
0 赞好
0 留言
张贴
