影片
更多
2022-02-22
294 浏览
Have been craving this for so long!!望穿秋水终于都恨到喇！呢间新派izukaya居酒屋一直都系我嘅to-eat-list头三位，皆因无论网上定朋友间嘅好评都太多，加上佢嘅signature dish-炸粟米太过吸引，所以一直都好想试！但奈何佢真系太难book，几次phone reservation都系唔通，网上更加长期full。就喺准备放弃之际，喺情人节前嘅星期六，我哋试下搭正12点直接walk-in，竟然有位！！铺头地点离地铁站少远，要预留多少少步行时间。大门偏隐蔽，起初因为睇唔到个招牌，差啲以为自己去错餐厅🤣餐厅内装修以工业风为主，墙身、餐枱櫈等都采用黑色云石，用餐环境系高质嘅👍我哋今次食咗omakase lunch set，嘢食包括：Assorted Sushimi Platter餐厅送俾每枱客嘅一个迷你刺身。食材种类都多，包括𩽾𩾌鱼肝配柚子啫喱、三文鱼子配三文鱼、同其余两款不确定系咪油甘鱼同拖罗。老实讲惊喜度就一般，但以free gift嚟讲，都算可以为呢餐omakase打响头炮嘅！Beef Tatare原本应该系clams with sak
望穿秋水终于都恨到喇！呢间新派izukaya居酒屋一直都系我嘅to-eat-list头三位，皆因无论网上定朋友间嘅好评都太多，加上佢嘅signature dish-炸粟米太过吸引，所以一直都好想试！但奈何佢真系太难book，几次phone reservation都系唔通，网上更加长期full。就喺准备放弃之际，喺情人节前嘅星期六，我哋试下搭正12点直接walk-in，竟然有位！！
铺头地点离地铁站少远，要预留多少少步行时间。大门偏隐蔽，起初因为睇唔到个招牌，差啲以为自己去错餐厅🤣餐厅内装修以工业风为主，墙身、餐枱櫈等都采用黑色云石，用餐环境系高质嘅👍
我哋今次食咗omakase lunch set，嘢食包括：
Assorted Sushimi Platter餐厅送俾每枱客嘅一个迷你刺身。食材种类都多，包括𩽾𩾌鱼肝配柚子啫喱、三文鱼子配三文鱼、同其余两款不确定系咪油甘鱼同拖罗。老实讲惊喜度就一般，但以free gift嚟讲，都算可以为呢餐omakase打响头炮嘅！
Beef Tatare原本应该系clams with sake，但当日可能食材有变，转咗做生牛肉他他。今次应该系我第一、二次到食生牛肉，摆入口第一下都少少惊，但因为mix咗啲相信系由洋葱为主角嘅酱汁，令到啲牛食落更香甜。再加上混合埋蛋黄，所以口感更滑，配埋佢嘅脆米纸，抵销咗我对生肉嘅恐惧！
Spinach OnitashiOhitashi-烫菜再加上酱汁。今次用到嘅系菠菜，菠菜叶好整齐嘅砌成一束，周围淋上胡麻酱，面头再加芝麻同木鱼。食嘅时候再捞埋一齐，感觉好refreshing。唔想咁heavy嘅可以唔点咁多酱😚
Crispy Caramel Butter Corn我会封为全餐omakase入面最爱嘅dish！首先我要厘清一下，呢个唔系一个tempura style嘅粟米，佢只系轻轻炸过，而唔系真系有层炸粉包住，所以英文都只系以’crispy’去形容。但特别之处在于搽咗牛油同焦糖喺粟米上面，令到成个粟米嘅甜味升华咗。再加上轻炸过，一咬落去香甜嘅酱汁即刻逼哂出嚟，就算称唔上好好好食，都可以话系好有心思嘅一道菜！
Chicken Katsu Sando继炸粟米后第二个好想试嘅signature dish！Katsu，可以解读为肉排咁解，katsu sando即系肉排三文治。原本系想试佢哋好出名嘅和牛三文治，但因为omakase menu fixed咗系鸡，所以冇得试，但一样有惊喜！鸡佢哋选择咗唐扬嘅做法，香脆嘅炸皮包住大大块鸡排，个口细啲都搞唔掂！欣赏个鸡就算炸完都可以保持juicy & tender，完全唔会觉得鞋口！不过我成个dish最钟意其实系块面包！食落去甜甜哋，好香！后尾先知原来佢哋系用北海道牛奶面包，亦相信佢哋系轻轻炸过，所以将块包嘅精华完完全全逼咗出嚟！下次一定要再试埋和牛！
Grilled Scallop原本以为系烧原粒扇贝，但原来系迷你带子粒🤣佢用咗扇贝壳做container，放咗两、三粒带子粒、杂菌同埋洋葱，再捞埋相信系蒜蓉牛油嘅酱汁去煮，食落好香浓。不过个人认为味道稍咸，同埋真系一啖就食哂！有少少唔够喉！🙈
Kimchi Udon想讲上呢个乌冬嘅时候已经好饱😂但偏偏呢个乌冬都好大个，两个人食都分到一人两碗多😮💨😅成个菜正常发挥，乌冬系赞歧，好烟靭，完完全全哋索哂啲kimchi汁。不过kimchi汁本身就系辣为主，佢嘅味道已经大到可以cover哂其他食材嘅味道，再加上真系开始饱，食到第二碗已经系「赶住收工」嘅节奏，只求唔好食剩，冇咩点真系enjoy个菜本身😂
Monaka Icecream Sandwich嚟到甜品环节，继续以佢哋其中一个
signature-Sandwich为主题，不过夹住嘅系雪糕🤪Sandwich系薄身威化盒，类似日式甜品抹茶红豆白肉底下嘅威化。雪糕好香纯，不过食唔出咩味，面头有啲相信系berries cream，令雪糕增添几分清新甜味。甜品独特之处系竟然可以咬开嘅时候系唔会散，唔会食到好狼狈！
今次omakase埋单一千蚊都唔洗，今次仲要又唔记得叫铺头俾tap water，要咗still water，加咗60🤣(又系aqua group专用的acqua panna water😅😂)不过确实性价比高，推荐👍
张贴
